Вынікі дзясятага Усебеларускага форуму жывёлаводаў
29 верасня 2023 года на базе ГК «Minsk Marriott Hotel» прайшоў дзясяты (юбілейны) Усебеларускі форум жывёлаводаў.
Арганізатарам мерапрыемства выступілі ТАА «Выдавецкі дом Грэўцава», часопіс «Ветэрынарная справа» пры садзейнічанні Міністэрства сельскай гаспадаркі і харчавання Рэспублікі Беларусь.
Усебеларускі форум жывёлаводаў – гэта штогадовае маштабнае мерапрыемства, якое з 2014 г. з’яўляецца галоўнай камунікацыйнай і інфармацыйна-навучальнай пляцоўкай, якая аб’ядноўвае больш за 600 практыкаў і экспертаў 3 напрамкаў вытворчасці ў сельскай гаспадарцы (жывёлагадоўля, свінагадоўля, птушкагадоўля), а таксама прадстаўнікоў вядучых кампаній, якія прадстаўляюць тавары і паслугі ў галіне. Працягнула сваю працу секцыя «Менеджмент», дзе былі разгледжаны пытанні, звязаныя з кіраваннем у сферы АПК.
Сёлета арганізатары форуму правялі шырокае даследаванне для выяўлення патрэб удзельнікаў, таму праграма форуму была складзена з улікам меркаванняў і запытаў спецыялістаў аграпрамысловага комплексу Беларусі.
У рамках дзелавой праграмы мерапрыемства выступілі прадстаўнікі Дэпартамента ветэрынарнага і харчовага нагляду МСХіП РБ, практыкуючыя спецыялісты і прадстаўнікі кампаній, а таксама незалежныя эксперты, якія вынеслі на абмеркаванне самыя актуальныя пытанні галіны.
У працы форуму прынялі ўдзел супрацоўнікі УА ВДАВМ: загадчык кафедры паталагічнай анатоміі і гісталогіі Громаў Ігар Мікалаевіч, а таксама дацэнт кафедры клінічнай дыягностыкі Багамольцаў Аляксандр Валер’евіч.
Прафесар Громаў І.М. прыняў удзел у працы секцыі «Птушкагадоўля». Тэмы яго дакладаў: «Асаблівасці адбору і фіксацыі паталагічнага матэрыялу для гісталагічнай дыягностыкі хвароб птушак», «Патамарфалагічная і дыферэнцыяльная дыягностыка хвароб птушак, якія праходзяць з пераважнай паразай стрававальнага каналу». Выступленні выклікалі жывую цікавасць у аўдыторыі. Па заканчэнні работы секцыі ў фармаце круглага стала Громаў І.М. адказаў на ўсе пытанні слухачоў.
Дацэнт Багамольцаў А.В. выступіў у якасці мадэратара секцыі «БРЖ. Пытанні ветэрынарыі».
