Удзел студэнтаў Акадэміі ў тэлевізійным праекце
У студзені-лютым 2024 года тэлерадыёкампанія нашага горада (канал Беларусь 4 – Віцебск) робіць рубрыку «Як зразумець гаў – мяу?».
У рамках гэтага праекта былі зробленыя відэаролікі ў клініцы кафедры паразіталогіі і інвазійных хвароб, навучальным тэрарыуме пры кафедры заалогіі і віварыі.
Студэнты другога і чацвёртага курсаў факультэта ветэрынарнай медыцыны і біятэхналагічнага факультэта, а таксама магістрант прынялі актыўны ўдзел у здымках, распавялі пра асаблівасці кармлення і ўтрымання хатніх і экзатычных жывёл. Былі закрануты пытанні адказнасці за тых, каго прыручылі, аб іх узаемадзеянні з малалетнімі дзецьмі і іншымі членамі сям’і.
